25 WEIRD, FUNNY AND EMBARRASING THINGS ABOUT ME

1. Hindi ako marunong sumipol.

- weird talaga dahil alam ko karamihan ng lalaki marunong sumipol ako lang yata ang hindi marunong. Kahit nga kapatid kong babae (?) na si aylin marunong sumipol. Gusto ko pa naman dati isipol yung commercial ng COKE na “ALWAYS LOOK ON THE BRIGHT SIDE OF LIFE”.

2. Hindi ako marunong mag bike, mag angkas sa bike at mag skateboard.

- naalala ko noong high school pa ako, muntik na akong masagasaan nung minsang nagbike ako sa me daang bukid. Nasanay kase ako na sa bakuran lang namin nagba bike. Naka gloves pa ako dati noon. Nung nagcollege naman ako summer yun, nagkayayaan kame ng mga pinsan ko na magpunta ng baywalk na naka bike lang. noong pauwi na kame at sa may Macapagal road kame dumaan, bumagsak ako sa bike dahil nalubak ako. Sadsad tuloy ako sa may bandang damuhan at nagasgasan ang kamay, braso at hita ko. Buti nalang konti palang dumaraan dun dahil nakakahiya talaga. Mahina talaga ako sa mga balancing act kaya ang sports ko basketball sa loob ng bahay…. Nba live o 2k sa ps2. hehe

3. Hirap akong makapagbawas sa umaga at madaling kumulo at mag alburoto ang tiyan ko pagkatapos kumain.

- noong college nga ako ng nasa baclaran na ako para kuhain ang class cards ko, biglang kumulo ang tiyan ko at hindi naman ako makauwi sa bahay dahil hindi na kaya ng powers ko. Kaya sa simbahan sa me baclaran ako nagmamadaling tumakbo para gumawa ng kasalanan.

4. Noong bata pa kame ni Jeric, gustong gusto naming magbakasyon sa Bulacan. Umiiyak pa kame pag sinusundo na kame nila papa at mama para bumaliki ng manila. Minsan nga napagtripan pa naming basain yung damit namin para lang hindi makauwi o magtago kame pag hinahanap na kame nila mama at papa.

5. May speech defect ako.

- hindi ko alam ang kaibahan ng F at P pag nagsasalita. Lagi nga akong pinagtatawanan ng mga kapatid ko pag pinapasabi na mga salitang may F gaya ng flower, favorite, feelings, ficture… etc.

6. Nag top 3 ako noong 4th yr high school ako.

- 2nd Grading noon ng maging top 3 ako at makatanggap ng merit card. Yun ang binibigay na parang size ng index card pag nasa top 1 – 3 ka. Paano ako naging top 3? Ilan lamang kameng walang bagsak sa klase at hindi pwedeng makasama sa top 10 pag may bagsak kahit na mataas pa ang iyong average. Swerte lang dahil wala akong bagsak noon kahit ang average ko lang ay 78% kaya ako naging top 3.

7. Hindi ako marunong lumangoy.

- kame lang yata ni mama sa pamilya namin ang hindi marunong lumangoy. Hindi ko alam bakit hindi ako natutong lumangoy kaya ayoko pag nasa malalim na kase nasa gilid lang ako ng pool at nagkakandirit na nakadikit sa gilid ng swimming pool.

8. Mababaw lang ang luha ko kaya lagi akong napupuwing sa mga palabas gaya ng Wish Ko Lang, Maalala Mo Kaya, etc. basta may mga nakakaantig na eksena. Napasinghot nga ako ng pinanuod ko yung One More Chance ni John Lloyd at Bea. Buti nalang ako lang mag isa nanuod at nasa Saudi na ako. Hehe

9. Noong high school ako nahilig ako sa party line o party phone (?) at makipag eyeball.
- yan yung me ida dial kang numero se telepono at marami kayong nandoon. Manghihingi ka ng number sa mga nandoon para private na kayong mag usap dahil magulo talaga dahil lahat gustong makipagkilala e. may codename pa dati na ginagamit at doon ko yata nakuha yung email kong bogchi.

NOTE: hindi lahat ng maganda ang boses ay maganda rin sa personal.

10. Kanan ako magsulat pero pagdating sa sports gaya ng basketball, bowling, tennis, fencing, TEX, etc. ay kaliwete naman ang gamit ko.

11. Gusto kong manuod ng mga horror movies pero magugulatin naman ako pag nanonood nito. Kaya inuunahan ko ng gulatin yung kasama kong nanunuod para konti nalang yung gulat ko. =)

12. Mahilig akong mangolekta ng FHM noong college ako pero nung nagkatrabaho nako at nagkaroon ng sariling pera ay natigil naman ang pagbili ko nito. Pero hindi naman sinabi na hindi nako nagbabasa nito. Nagda download nalang ako ng mga PDF format o ebooks sa internet ng mga issues nito. =P

13. Crush ko dati sina Jolina Magdangal at Rica Peralejo noong high school ako. Nakipag agawan pa nga ako ng picture para ipa autograph kay Rica noong nagpunta sa school namin dahil may mini fair. Nagpapicture naman ako kay Jolina noong nag guest sya sa SM Jologs (Sucat) noong nagtatrabaho pa ako dun. Hehe

14. Hindi ko alam saan nanggaling yung palayaw kong Jimbo.

- tinatanong ko ang mga mahal kong magulang kung pano nila nakuha yung palayaw ko ngunit wala silang malinaw na eksplanasyon na maibigay. Yung kapatid ko naging Jeric dahil galing sa Joseph Eric samantalang ako Joseph Bernard kaya dko alam bakit naging Jimbo kaso mas pangit naman pala kung naging JBern. =9

15. Antukin ako dahil kahit nakaupo at me masandalan lang makakatulog na ako. Saka hindi ako naghihilik pag gising. =)

16. Kapuso ang favorite channel ko kaya namimiss nako ng mga Kapamilya ko sa Pinas.

17. Mahilig pa rin akong maglaro ng computer games at manuod ng mga anime gaya ng Naruto at Bleach. =)

18. May lahi daw akong Ilocano sabi ng mga tito ko.

- Mas gusto ko pa kaseng maglakad pauwi ng bahay o kahit na gutom na gutom na ako ay sa bahay parin ako kakain dahil ayokong mabaryahan ang pera ko. Feeling ko kase pag nabaryahan na dire diretso na ang gastos nito. Saka hindi ako mapapagastos sa mga branded na gamit at palagi akong nag aabang ng sale sa Isetann Sta. Cruz dahil yung mga pantalon na Company B ay mabibili lang sa halagang 250-300 pesos.

19. Umiihi ako sa salawal noong bata pa ako habang natutulog.

20. JEDDAH ang call sign ko sa radio nung nagtrabaho ako sa SM. Yung Jeddah ay nasa Saudi kaya natatawa ako dahil dito pala ko sa Saudi mapupunta. Yung Jeddah nga pala ay 3 hours drive mula dito sa Yanbu.

21. Noong 1st year high school ako, pinatawag ang aking ina sa principal’s office dahil nagsumbong ang maestra ko. Nagtuturo kase sya ng mga uri ng sayaw ng mabanggit nya ang TANGO. Tinanong ko ang katabi ko ano naman ang TANGA? Tumawa ang loko at nung nakita ng titser namin bakit daw tumatawa sinabi nya yung tinanong ko. Akala tuloy ng titser ko sya yung sinasabihan ko nun.

TANGA – noon ko lang nalaman na underwear pala yun na pambabae. Napatawag pa tuloy yung nanay ko dahil sa insidenteng yun.

22. Naalala ko ng bata ako at nagbabakasyon sa Bulacan, namatanda ako o yung napaglaruan ng duwende. Parang biglang lumaki yung paa ko kaya pinatignan ako sa albularyo. Napag alaman ngang me tinamaan daw akong bahay ng duwende kaya gumanti at yun nga ang ginawa. Sayang nga lang at yun ang lumaki hindi yung anu ko….=) yung katawan para maskulado sana ako. Hehe

23. Noong Grade 6 ako, nagkayayaan kame ng mga kaklase kong manuod ng BASIC INSTINCT ni Sharon Stone. Gagawin namin yun pagkatapos ng klase at nagdala pa ako noon ng basketball shorts para hindi halatang menor de edad. Nakalusot kame sa loob ng sinehan. Hehe Pag uwi ko ng bahay ay galit na galit ang nanay ko dahil hinahanap ako sa eskwelahan dahil gabi na wala pa ako at dinahilan ko ay nagkayayaan kameng magbasketball ng mga kaklase ko. Lusot ako. Hehe

24. Noong nagtatrabaho na ako sa una kong kompanya, nagkayayaan kame ng mga officemate kong magpunta sa Miss Universal sa Libertad para uminom. Kaso nga hindi ako palainom at ang inorder ko lang ay Mountain Dew. Pagdating nung bill ay nagulat kame dahil yung Mountain Dew pala ay parang Ladies Drinks dahil ang presyo nito ay P50 kumpara sa beer na ang presyo lang ay P30.

25. Mahilig akong mag download ng mga programs sa internet na trial version kung saan magagamit mo lang ito ng ilang beses saka maghahanap naman ng crack file para maging full version ito. Epektib naman yung ganitong paraan kaso kung minsan ay may halo ding virus ang mga ganitong file.

TV

Matagal na kong hindi nakakapanuod ng mga tv programs natin sa Pilipinas. Sapul ng dumating ako dito sa Saudi, nawala na ang pagiging KAPUSO ko. Dahil na rin walang istasyon na ch. 2 o 7 sa tv sa aming accommodation, hindi ko na ulit nasilayan ang mga paborito kong panuorin gaya ng Bubble Gang, Eat Bulaga, Saksi, SOP, Nuts Entertainment na balita ko ay wala na sa ere. Marami nakong hindi alam na mga programang pinapalabas. Natapos nga si MariMar nang hindi ko man lang nakitang gumiling si Marian sa opening credits at ang Survivor Phils. natapos na din. Marami nakong mga balitang hindi nasusubaybayan sa tv. Sa internet ko nalang nalaman na namatay na si Rudy Fernandez at Marky Cielo, si Rustom naging Bibe na (este BB pala), ung kaso ng sa Alabang Boys, yung golf incident sa pagitan ng Pangadaman at Dela Paz, at marami pang iba. Meron din namang internet para makapanuod at makabasa ng pangyayari ngunit iba pa rin talaga ang telebisyon.

Dito tuloy namulat ang isipan ko sa mga Indian programs. Dahil na rin mga Indiano ang kasamahan namin sa accommodation, hindi ko maikakailang maging interesado sa kanilang pinapanuod. Oo nga hindi ko naiintindihan ang kanilang pinapanuod dahil iba ang dayalekto, pero hindi pa rin mawari sa isip ko na maaliw sa kanilang palabas lalong lalo na sa kanilang mga MTV o music video. Talagang napabilib ako dahil sa ganda ng pagkakagawa. Kung sa America merong Hollywood, sa mga Indiano naman ay may Bollywood. Big budgeted ang kanilang MTV. Para kang nanunuod ng pelikula sa ganda ng pagkakagawa, hindi ko nga maisip na isa lang itong music video. Magaling ang director dahil meron pang istorya yung video. Ang bidang lalaki ay matipuno at brusko parang Robin Padilla ang porma samantalang ang babae naman ay maganda at makinis ang kutis. Sobrang mabusisi sa mga detalye. Bawat angulo kinukuhanan. Meron pang special effects na parang gawa sa Hollywood ang eksena. Mahilig din pala sila sa mga bright colors at marami silang costume changes na sa wari ko ay mga sikat na fashion designers sa kanilang bansa ang lumikha ng mga magagarbo nilang kasuotan. Ang setting ng location sobrang ganda rin. Parang sa Sound of Music dahil nasa mountain top ito at maraming mga ulap. Talagang breath taking. Ang dance steps nila masyadong komplikado at detalyado. Parang matinding oras ang ginugol para maperfect ang bawat kilos at galaw ng mga kasama sa video. Talagang mapapaindak ka sa tugtog at saliw ng musika. Baka nga pag napalabas ito sa Pilipinas sumikat din ito at maging kagaya ng PAPAYA craze. Naiimagine ko tuloy na baka Streetboys o Sexbomb pa ang sasayaw at magpapasikat ng dance steps nila. Ang mga extra sobrang dami. Akala ko tuloy computer generated ito kagaya ng Lord of the Rings na marami kang taong nakikita sa isang eksena. Talagang ang video ay makapigil hininga at talagang mapapahanga ka. Sa wari ko ay isa talaga itong obra.

P.S.

Hindi ko nga pala nasabi sa inyo. Extra ako sa mga dancers. Hirap ng buhay kelangan dumoble ng kayod, kailangang sumideline.

Akala....

Akala ko porke maganda ang pangalan ng company na pinirmahan ko sa Pilipinas, malaking company din ito sa Saudi?

Ganito ang naging sitwasyon ko. UNICO (United Company For Inspection & Quality).Gandang pangalan ng kompanya. Meron pa yan sariling website. Kaya buong yabang kong sinabi sa papa ko na maganda ang mapupuntahan kong kumpanya para payagan akong magpunta dito sa Saudi. Biruin mo ba naman na sa SAUDI ARAMCO at SABIC, mga malaking company na may iba’t ibang projects dito sa Saudi kame ipapasok ng trabaho. Aba magandang stepping stone dahil sa Oil & Gas ang maging project naming at bigatin kame nito pag nakita sa resume na nagtrabaho kame dito. Sino din ba naman ang hindi matutuwa kase wala ring binayaran na placement fee dun sa agency na nag ayos ng mga dokumento namin, ang medical na reimburse ko pa. Anung iisipin ko syempre malaking kumpanya kase galante. Sa sahod ok para sa isang first timer na katulad ko kumpara sa mga nakausap at nainterview kong Pilipino dito sa Saudi. Pinangakuan pa kameng mag undergo ng training pagdating dito sa Saudi. San ka pa?

Akalain ko nga lang na mga Pinoy lang ang magaling mambola at manloko. Pagdating na dito sa Saudi uso din pala ang agency. Kala ko sa Pilipinas lang merong ganito. Ex. Si Company A na mother employer mo ay sinabing may interview ka. Ihahatid ka sa isang lugar kung saan naghihintay ang isang getaway vehicle (yan kase ang paglilipatan mong sasakyan ng kabilang company, Company B). Pagdating mo dun sa isang lugar me isa pang tao, representative ng Company C na magdadala na talaga sayo dun sa interview portion. Ganito pala talaga ang sistema dito sa Saudi. Karamihan sa mga company na kumukuha sa Pilipinas ay hindi pala direct company kundi supply ka din sa mga company, parang manpower agency. Per project nalang ang usapan at depende ito sa haba ng buwan na kailangan ang serbisyo mo. Salamat nalang sa Diyos at sa Yansab ako nasupply. Regarding sa training namin? Napako lang. Ang Oil & Gas training naging cooking OIL & GAS stove kase natuto naman akong magluto kahit papano.

Akala ko mainit sa Saudi?

Dahil sa wrong notion ko na disyerto lang itong Saudi at sa mga sabi sabi ng mga ex – Saudi na mainit talaga ang panahon dito, hindi ko naisipang magdala ng jacket o kahit anong panlamig noong ako’y pumunta dito. Oo nga mainit talaga sya pag summer pero akalain mong nagwiwinter din pala dito sa Saudi kahit walang snow. Talaga palang extremes dito. Pag summer, talagang sobrang init na halos matutuklap na ang balat mo pero pag winter naman aba’y talagang sobrang lamig. Brrrrrr. Akalain mo ba naman na lagi nalang ako nakajacket kahit na dito sa opisina kase ang aircon dito nsa 18deg lang yata. Ang kamay ko nga naninigas na sa lamig samantalang ang mga Intsik na kasama ko pinagtatawanan lang ako dahil sila normal lang ang ganitong klima. Ang mahirap na part din pala pag ganitong winter ay ang pagligo sa umaga. Isipin nyo nalang na maligo gamit yung tubig sa freezer. Gusto ko mang sumigaw ay hindi ko magawa kase baka magulat yung mga kasamahan ko at isipin na pinagsasamantalahan nako ng Arabo.

Akala ko ang mga Indiano baduy pumorma?

Palibhasa nasanay tayo sa mga simpleng porma ng mga bumbay sa Pinas na nagpapa 5-6, hindi ko akalaing magaling pumorma ang mga Indiano dito sa Saudi. Tama ang basa nyo. Magaling at maganda ang porma ng mga Indiano pag napasok sa opisina. Gusto nila disente silang tignan kaya lagi silang naka long sleeves at minsan pa nga naka necktie pa. Para bang business executive o mga ahente ng mga subdivision na makikita natin sa mga mall. Para bang palagi silang pupunta sa job interview na kailangan magpa impress sa mag interview. Ganyan yung driver namin sa Unico, kung unang tingin ay iisipin mong manager sya sa aming kompanya dahil sa porma nya. Ang siste nga lang halos isang linggo mong makikita na yun ang suot nya. Walang palitan ng damit. Kung ano yung nakita mong suot ng Monday hanggang Thursday ganun pa din. Hindi ko alam kung me lahi ba silang pusa na takot maligo o ano pero talagang inadapt nya ang kasabihang “WASH AND WEAR”, sa kanya nga lang “NO WASH ONLY WEAR.”

12 – 1.

Yan ang palitan ng pera ng Saudi na tinatawag na Riyals laban sa peso natin. SAR1 = Php12. Mura ang bilihin dito sa Saudi. Sino ba naman ang hindi matutuwa kase walang tax dito. Murang mura ang mga electronics, laptop, lcd tv, cellphones at kung anu ano pa. Ang pagkain kala mo barya lang kase pwede kang makipagdate sa restaurant na 50sar lang ang budget mo. Masaya sana ang buhay dito lalo na kung binata ka. Mabibili mo lahat ng luho at gusto mo. Ang problema nga lang pag inisip mo na ang palitan ng riyals sa peso ay doon ka na manghihinayang at iisipin sa sariling mag ipon nalang ako para sa aking kinabukasan o mas marami pang makikinabang sa Pinas sa perang aking maipapadala. Kaya balik nalang sa nilagang itlog sa agahan, de lata sa hapunan. Akala lang ng mga kababayan natin masarap ang buhay dito sa Saudi dahil mura ang bilihin at malaki ang kita, palaging may litratong nakangiti sa mga mall o katabi ng isang magarang sasakyan. Akala nila palaging may pera ang nasa ibang bansa kaya waldas dito, waldas doon. Akala….

Biyaheng Langit

Na experience nyo na bang magbiyahe ng kayo lang mag – isa sa hindi nyo alam na lugar sa loob ng isang buong araw? Na hindi nyo alam kung anung naghihintay sa inyo pagdating sa lugar na yun? Kung may susundo ba sayo pagdating mo dun?

Nov. 4, 2008: Naaalala ko pa na nasa site ako ng araw na yun. Alas 4:30 ng hapon ng mag ring ang aking cellphone na ipinaalam sa akin ng aming Admin. Manager na ideploy daw ako sa Yanbu. Yanbu? San yun? Wangbu alam ko pero Yanbu hindi ko yata alam kung saan sya dito sa Saudi. May mga kasamahan ko na nagsabi na malayo daw yun. Malayo pero gaano kalayo? Yan ang aking aalamin nga naman. Naghihintay na pala yung susundo sa akin na maghahatid sa istasyon ng bus. Yung sumundo nga sakin di ko rin kilala nung araw ko lang yun nakita. Basta ang sabi nya lang tawagan ko iyong ibibigay nyang number para pickup – in ako pag nasa Yanbu na ako. Ganon lang kadali yun. Akala siguro nito matagal nako sa Saudi kaya ganoon lang kadali na magbyahe sa isang lugar. Hindi pa nga ako sanay magsalita ng Arabic. Bahala na si Batman sa akin at nagdasal nalang ako na gabayan ako sa aking pagbyahe. Dumating kame sa istasyon ng bus ng 5:45 ng hapon at ang departure ng bus alas 6. Sa pagmamadali ko egg sandwich lang ang binili ko bilang hapunan ko. Mahirap kumain ng mabigat sa tiyan baka may mag rebolusyon pa sa tiyan ko mahirap na. Pagsakay ng bus me dibisyon pala ito, ang sa harapan ay puro mga babae lamang ang puwedeng umupo samantalang ang kalahati naman ay sa mga lalaki. Hindi ko alam kung saan ako uupo dahil pag akyat ng bus, iba ibang lahi ang mga nakasakay ngunit karamihan syempre ang mga Arabo at Indiano. Dun nalang ako tumabi sa isang Indiano, di bale ng hindi kanais nais ang amoy alam ko namang medyo ligtas ako kumpara kung tatabi ako sa Arabo. Hindi naman sa minamasama ko sila, mabuti ng nag iingat.

Ito pala ang mapa ng Saudi kung saan makikita nyo yung Dammam, nasa kanang bahagi sya ng mapa, kung saan ako sumakay ng bus papuntang Yanbu, nasa kaliwang bahagi naman sya. Kung inyong pagmamasdan ang mapa, parang nagcross country ako sa Saudi. Nalibot ko pala ang buong Saudi ng hindi ko namamalayan.

Wala akong gaanong nakitang mga lugar kase gabi na nung nagbiyahe kame at mas pinili ko nalang matulog para ipahinga ang pagod kong katawan. May mga stop over din sa aming biyahe para makakain o magtagtag ng katawan. Gustuhin ko mang kumain ng kanin nagtiyaga nalang ako sa biscuit at tubig dahil walang malinis na kubeta. Ibang klase ang mga cr sa mga stop over. Kala mo nasa katayan ka ng baboy sa sangsang ng amoy at kailangan hindi ka huminga ng ilang minuto para hindi mo malanghap ang amoy. Wala silang clean hygiene dito at ang malupit pa, ang inidoro nila nasa sahig katulad nito. May mga teorya akong naisip kung bakit ganito ang gamit nila: ang mga Arabo kase dito mga naka sotana (katulad ng sinusuot ng mga sacristan sa simbahan). Walang mga zipper yung suot nila kaya pag umiihi sila mga nakaupo. Mahirap nga namang umihi ng nakatayo tapos itataas nila ang sotana nila.


Dumating ang bus sa Jeddah (hindi pa pala Yanbu ito) mag alas 2 ng hapon ng Nov.5. Dito pala lilipat pa kame ng panibagong bus para ihatid na kame ng diretso sa Yanbu. Medyo mabundok ang rutang dinaanan namin papuntang Yanbu. Akala ko malapit na ngunit inabot pa din pala ng 4 na oras. Alas 5 pasado na ng makarating ako sa Yanbu. Nagbabaan na ang mga pasahero kaya sigurado akong Yanbu na ito. Tinawagan ko ang susundo sa akin at nasundo naman ako sa awa ng Diyos ng alas 6. Talaga ngang halos 24 oras ang inabot ng byahe. Parang nakatawid na ng Luzon papuntang Visayas kung sa Pilipinas lang ito.

Naranasan nyo na din bang magbiyahe ng ganito katagal?

PAANO MAG BLOG?

Gusto kong simulan ang bagong taon ng masaya at puno ng pag - asa. Isa na dito ay ang pagiging masipag sa pagsulat dito sa blog. Baka kase makaisip na naman ako ng mga dahilan para hindi ako makapagsulat. Matagal din akong nagpahinga, nagmuni muni ng mga bagay bagay, pinag isipan kung ano ang naghihintay sa dako paroon. Akala ko nga 1 hit wonder lang yung nasulat ko, yung tipong pagkatapos noon hindi na masusundan pa ulit. Ngunit akalain ko ba namang may mga taong nag aksaya ng kanilang panahon upang basahin at bigyan ng komento ang ginawa kong pagsulat. Hindi ko naman pwede sabihing nagka writers block ako kaya hindi ako nakasulat, sa unang banda ay hindi ko naman pwede tawagin ang sarili ko bilang isang writer. Paano at bakit ko nga ba naisipang mag - blog? Nag umpisa ang lahat sa pangungulit at pang haharass ng aking mabait na kapatid na si Enrico at ang kanyang girlfriend na si Kiko, Chyng talaga pangalan nya ngunit mas gusto ko syang tawagin sa kanyang alyas. Kung sino mang makakahula kung bakit Kiko ang tawag ko ay me premyong naghihintay: consolation prize ay isang kilong buhangin galing dito sa Saudi samantalang ang Grand Prize ay 1 year supply ng hotdog ng Arabo. Babala nga lang kase yung hotdog na yun amoy Arabo din. Kinulit nila ako na isalaysay ko daw ang mga pangyayari sa buhay ko dito sa Saudi pati na rin ang aking mga saloobin. Sa una mahirap talaga, hindi kasi ako sanay ng nagsusulat. Kahit nung college ako pinakaayaw ko yung mga essay question sa exam kasi hindi ako marunong mambola. Minsan nga parehas lang ang kahulugan ng sagot ng aking kaeskwela ngunit dahil mahaba yung sagot nya mas mataas ang puntos nya. Kakabadtrip no? Kaya eto ako ngayon, pinipilit magsulat. Alam ko namang lahat ng bagay ay natutunan. Kaya sana ito na ang maging simula!

Bakit masarap ang bawal?

WARNING: SMOKING IS DANGEROUS TO YOUR HEALTH.

BAWAL TUMAWID NAKAMAMATAY

NO PARKING

Ilan lang yan sa mga kasabihan o signages na madalas nating makita na hindi naman nasusunod kung ating titignan. May nakalagay na sa pakete ng sigarilyo nang masamang idinudulot nito sa katawan, sige pa rin sa paninigarilyo ang iba d'yan. May makikita ka ring overpass na tawiran pero sige pa rin sa pakikipag patintero ang ating kababayan sa mga rumaragasang sasakyan kesyo malayo daw ang overpass. Mga sasakyang nakaparada pa mismo sa poste ng NO PARKING. Ganyan tayo minsan pasaway kung anung bawal syang ating ginagawa.

Dito rin sa Saudi maraming bawal ayon sa kanilang batas. Bawal dito ang alak ngunit dahil maparaan ang mga pinoy pwede bang mawala yan lalo na nasa sistema na ang pag inom. Eto pala ang DIY na pagawa ng Sadiki ayun sa blog ni michael: http://beautifullyimperfect.multiply.com/journal/item/17/Sadiki_your_DIY_alcohol

Bawal daw ang baboy dito, pero makakabili ka ng karne ng baboy sa mga nagtrabaho sa base ng Amerikano o sa mga malalakas ang loob nating kababayan na nagpupuslit ng baboy mula sa Bahrain sa halagang SR 90.

Mahigpit ding pinagbabawal dito ang pagpraktis ng anumang relihiyon sa Saudi maliban sa Islam. Ngunit papayag ba ang pinoy na hindi sumamba o manalangin sa ating Diyos Ama. Maraming samahan dito gaya ng Born Again, INC, Ang Dating Daan, etc.

Gaya kong isa ring pasaway papayag ba ako na hindi maipahayag ang pagiging CFC Singles For Christ ko. Ang SFC nga pala ay isa lamang sa family ministry ng Couples for Christ na kinabibilangan din ng KFC (Kids for Christ), YFC (Youth for Christ), HOLD (Handmaids of the Lord), SOLD (Servants of the Lord) and also CFC (Couples for Christ).

2nd SFC Saudi National Conference na ginanap sa Riyadh last Aug. 15, 2008

SFC Delegates

SFC of Eastern Province

Theme ng SFC Conference

Ilan lamang yan sa mga larawan ng mga activities na aking napuntahan dito sa Saudi. Nakakatawa lang isipin na nung nasa Pinas pa ako ay hindi ako makapunta sa mga Conference o umattend ng mga gatherings tapos dito pa sa mahigpit na bansa malaya kong pinahahayag ang service ko kay Lord. Masarap talaga ang bawal no?